लुम्बिनी मेडिकल कलेजबाट जन्मेको ४ घण्टामै नवजात शिशु चोरी ? चोर्नुको मुख्य रहस्य बाहिरियो ….

पाल्पा। शुक्रबार पाल्पाको लुम्बिनी मेडिकल कलेजबाट जन्मेको ४ घण्टामै नवजात शिशु चोरी भयो । यो चोरीले त्यस क्षेत्रमा हंगामा मच्चायो । कसले चोर्यो ? किन चोर्यो ? कहाँ लिएर गयो ? जस्ता अनेकौं प्रश्न उठे । बच्चा जन्माउने महिलाकी आमाले आफूसँगबाट बच्चा अर्की एक महिलाले लिएको भनिन् । त्यसपछि ती महिलालाई खोज्दै जाँदा स्याङजाको मिर्मीमा भोलिपल्ट बच्चासहित भेटिइन् ।

बच्चा चोर्ने महिला थिइन् स्याङजाको गल्याङ नगरपालिका ५ की बिमकला पाण्डे । बिमकला पहिल्यै छोराछोरी भएकी महिला हुन् तर उनले किन बच्चा चोरिन् त ? यसको कथा कुनै सननीपूर्ण थ्रिलर फिल्मको भन्दा कम छैन । ३६ वर्षीया बिमकलाका २ छोरा र २ छोरी पहिल्यै छन् । उनका श्रीमानको मृत्यु भइसकेको छ ।

बिमकला कालीगण्डकी जलविद्युत परियोजना मिर्मीमा सरसफाइ कर्मचारीको रुपमा कार्यरत थिइन् । श्रीमानको मृत्यु भइसकेकी उनको सामाजिक संजालबाट नेपालगञ्जका गोविन्द भण्डारीसँग माया बस्यो । ०७५ कार्तिकमा उनीहरू बीच विवाह भयो । बिमकलाले पहिलेका श्रीमानबाट ४ सन्तान भएपछि स्थायी परिवार नियोजन गरिसकेकी थिइन् तर दोस्रो विवाह गरेपछि उनलाई आपत पर्यो ।

श्रीमानले बच्चा चाहिने कुरा गरेपछि उनी अत्तालिइन् तर श्रीमानलाई आफूले परिवार नियोजन गरेको वास्तविकता भने बताइनन् । यही बीचमा उनका श्रीमान भण्डारी विदेश गए । श्रीमान विदेश गएपछि बिमकलाले फोनमा आफू गर्भवती भएको भनेर ढाँटिन् । त्यतिबेला यसरी ढाँट्नु उनलाई सजिलै लाग्यो तर जब समय बित्दै गयो उनलाई ढाँटेको कुरालाई साँचो प्रमाणित गर्न कठिन बन्दै गयो ।

श्रीमानलाई मात्र नभइ उनले आफ्ना छिमेकी सहकर्मीदेखि सबैलाई गर्भवती भएको भनेर ढाँटेकी थिइन् । उनले गर्भवती भएको जस्तो व्यवहार देखाउने, पेटमा कपडा बाँधेर पेट बढाउने गायतका हर्कत गर्दै गइन् । ९ महिनासम्म यो क्रम चलिरह्यो तर जब ९ महिना पुग्यो त्यसपछि फेरि संकट आयो । हुँदै नभएको बच्चा कहाँबाट जन्माउनु ? उनले कुनै विकल्प देखिनन् र बच्चा चोर्ने निष्कर्षमा पुगिन् ।

बच्चा चोर्ने नियतले उनी पाल्पा आइन् र लुम्बिनी मेडिकल कलेजमा आएर अड्डा जमाइन् । उनको नियत बच्चा चोर्ने नै थियो तर उनले मौका पाएकी थिइनन् । संयोगले त्यहाँ मानसिक रुपले केही कमजोर दम्पती बच्चा जन्माउन आइपुगे । उनीहरु थिए तानपा ९ डाँडाडुम तिलाहारका किसान राना र उनकी पत्नी जमुना राना । बिमलाले त्यसअघि पनि अन्य महिलाको मन जित्ने र बच्चा लिने प्रयास गरिरहेकी थिइन् । यद्यपि यी दम्पतीको बच्चा चोर्नु उनलाई सजिलो लाग्यो ।

बच्चा जन्माएको केही घण्टापछि जमुनाकी आमा ईश्वरी ज्वानोको झोल लिन क्यान्टिन जानुपर्ने भयो । जमुनाका श्रीमान किसान कामविशेषले बाहिर गएका थिए । भखैर बच्चा जन्माएकी जमुना अर्धचेत थिइन् । ईश्वरीले बच्चा छोरीसँगै राखेर क्यान्टिन जान खोजिन् त्यही बेला बिमकलाले बच्चा छाडेर नजानुस् बरु म सहयोग गर्छु भनिन् । त्यसपछि बिमकलाले बच्चा काखमा लिएर ईश्वरीसँगै क्यान्टिन गइन् । ज्वानोको झेल लिएर फर्कदा ईश्वरी अघिअघि थिइन्, बच्चा लिएकी बिमकला पछिपछि ।

ईश्वरी अघिअघि छोरी भएको ठाउँमा पुगिन् तर पछिपछि भएकी बिमकला बच्चा लिएर अस्पतालबाट बाहिरिइन् । बच्चा लिएकी बिमकला नफर्किएपछि उनको खोजी भयो तर उनी भेटिइनन् । बिमकलाले पहिले पनि बच्चा मलाइ दिनुस् भनेकी थिइन् । त्यसो भन्दा ईश्वरीले गाली गरेकी थिइन् । यो कुरा सम्झेपछि ईश्वरीलाई शंका लाग्यो तर उनले बिमकलालाई चिनेकी थिइनन् । बिमकलाले त्यहाँ सोध्नेहरुलाई आफ्नो ठेगाना सत्य बताएकी थिइनन् । कोहीलाई कहाँ कोहीलाई कहाँ बताएकी थिइन् ।

खोज्न जाने कहाँ भन्ने अन्योल भयो त्यसपछि प्रहरीलाई खबर गरे । सुत्केरी जमुना, श्रीमान् र आमा सीधा स्वाभावको फाइदा उठाएर शिशु लिएर बिमकला कालीगण्डकी जनविद्युतको क्वार्टरमा पुगिन् । प्रभासबाट बस चढेकी उनी स्याङजाको जिरोबाट भने जीपमा गएकी थिइन् । विमकलाले बच्चा चोरेपछि अस्पतालको गेटबाटै भाग्दै गर्दा कसैले पत्तो पाएनन् । अस्पतालको मुखमै रहेको प्रहरी चौकी अगाडिबाट पोखराको बसमा चढेकी थिइन् ।

उनी स्याङ्जाको जीरोका लागि साढे ३ बजे त्यहाँबाट हिडेकी थिइन् । राती सवा ७ बजे मिर्मिको विद्युत् प्राधिकरण क्याम्पमा रहेको कर्मचारी क्वाटरमा पुगेको अनुसन्धानमा खटिएका प्रहरीले बताए । शिशु चोरिएको सामाजिक सञ्जाल, अनलाइनबाट जतासुकै फैलियो । प्रहरीले भने ढिला सूचना पायो । प्रहरीले सूचना पाउन्जेल ती महिना पाल्पा कटिसकेकी थिइन् । तत्काली प्रहरी र अस्पतालका कर्मचारी, सुरक्षागार्डले वरपर र शंकास्पद स्थानमा खोजी सुरु गरे ।

प्रहरीले सिसिटिभीको फुटेज हेरेर सोही अनुसार फलो गर्यो । रुपन्देही, स्याङजा, गुल्मी लगायत विभिन्न स्थानमा प्रहरीले खोजी सुरु गरेको थियो । रातभर बाहिर जिल्लामा जाने सवारी साधनको निगरानी राख्यो । तर विद्युत् प्राधिरकरण मिर्मि स्याङजाका कर्मचारी र सुरक्षाकर्मीको सहयोगमा उनी शनिबार बिहान पक्राउ परिन । विद्युत् क्याम्पका सुरक्षाकर्मीले रातभरी बच्चा रोएको सुनेका थिए । त्यहाँ कोही पनि सुत्केरी हुने थिएनन् । अनलाईन र सामाजिक सञ्जालमा बच्चा हराएको भन्ने देखेका उनीहरूले केही शंका गरेरै खबर गरेका थिए ।

अस्पतालले हराएका नवजात शिशुका बुवालाई रोजगार दिने भएको छ । सुत्केरी आमा र बच्चालाई आजीवन निःशुल्क उपचार गर्ने जनाएको छ । बच्चा भेटिएपछि मेडिकल कलेज र पीडित पक्ष बीच सहमति भएको हो । सहमति पत्रमा कलेजका कार्यकारी अध्यक्ष गोपालप्रसाद पोखरेल र तानसेन–९ का वडाध्यक्ष हरिसुमर रेग्मीले संयुक्त हस्ताक्षर गरेका छन्।

चलचित्रबाट दर्शकलाई रूहाउने कलाकार सुभद्रा अधिकारीले सबैलाई रूहाएर गईन,आर्यघाटमा कलाकारको रुवाबासी

वरिष्ठ कलाकार सुभद्रा अधिकारीको हृदयघातका कारण निधन भएको छ । शनिबार,...

चितवनमा फेरी ढुंगामुढा -फेरि तनावग्रस्त, प्रहरीद्धारा अश्रुग्यास प्रहार

काठमाडौं । चितवनमा शनिबार पनि झडप भएको छ । पत्रकार रवि...

रबि लामिछानेको बहिनीको चितवनमा रुवाबासी,मेरो रबि दाईलाई फसायो भन्दै आक्रोशित

रबि लामिछानेको समर्थनमा चितवनमा जनलहर उर्लिएको छ।५ दिन थुनामा राख्न अनुमति...

रबि लामिछानेको दाई भाबुक हुदै पहिलोपटक मिडियामा,रविलाइ फसाउन यस्तो सम्म नाटक रचियो!

पत्रकार रबि लामिछानेको दाई भाबुक हुदै मिडियामा आएका छन।एक्कासी पत्रकार रवि...

नेपाली बजारमा हेर्नुहोस् आजको सुनचादीको मुल्य , तोलाको कति ?

काठमाडौं । आज (शुक्रबार) सुनको भाउ स्थिर रहेको छ। । बिहिबार...

रबि लामिछाने पक्राउ परेको केहि समयमै उनकै नजिकको वकिलको प्रश्न:केटि लागाएर फसाउन पाईन्छ?

काठमाडौं । काठमाडौंको पानीपोखरीस्थित न्यूज २४ को कार्यालयबाटै कार्यक्रम ‘सीधाकुरा जनतासँग’का...

रबि लामिछाने पक्राउ पर्नु भन्दा केहि मिनेट अगाडी रबि संगको टेलिफोन बार्ता एस्तो छ,किन बोल्न चाहेनन्?

३० साउन, काठमाडौं । प्रहरीले न्युज २४ टेलिभिजनका पत्रकार रवि लामिछाने...

पत्रकार रबि लामिछाने र युवराज कडेल पक्राउ

३० साउन, काठमाडौं । पत्रकार सालिकराम पुडासैनीको घटना भएको केहि समय...

अन्तत प्रहरीले पत्रकार रवि लामिछानेलाइ पक्राउ गर्यो

३० साउन, काठमाडौं । प्रहरीले न्युज २४ टेलिभिजनका पत्रकार रवि लामिछाने...

© 2019 Laligurash All right reserved Site By : SobizTrend Technology