एसिड आक्रमणपछि संसदमा कानुन परिमार्जनको बहस ; दोषीलाई कडा कारवाहीको माग

२२ भदौ,काठमाडौं । वीरगन्जकी १५ वर्षीया किशोरी मुस्कान खातुनमाथिको एसिड आक्रमणपछि संसदमा कानुन परिमार्जनको बहसले प्रवेश पाएको छ । कतिपय सांसदले संविधानले बर्जित गरेको मृत्युदण्डको कानुन माग गरेका छन् भने कतिपयले फितलो कानुनको आलोचना गरेका छन् ।

प्रतिनिधिसभाको आइतबारको बैठकमा सत्तापक्ष र प्रतिपक्ष दुवैतिरका सांसदहरुले एसिड आक्रमण गर्नेमाथिको कारवाही गर्ने कानुन फितलो भएको बताए । उनीहरुले पटक पटक किशोरी र युवतीहरु एसिड आक्रमणको शिकार हुने गरेकाले कडा कानुन र बिक्री वितरणमा समेत लाइसेन्स अनिवार्य हुनुपर्ने बताए ।

कतिपय सांसदले संविधानले निषेध गरेको मृत्युदण्डको कानुन ल्याउन पनि सरकारलाई आग्रह गरे । कांग्रेस नेतृ उमा अधिकारीले संसारका व्भिन्न देशमा मृत्युदण्डको कानुन रहेको दृष्टान्त दिदै कानुनमा संशोधन गरेर मृत्युदण्डको व्यवस्था गर्नुपर्ने बताइन् ।

विशेष समयमा बोल्दै उनले भनिन् ‘सरकार किन मृत्युदण्डसम्बन्धी कानुन ल्याउँदैन, किन टुलुटुल हेरेर बसेको छ ? फितलो कानुन देखाएर अपराधी छुट्ने अवस्था छ । म जोडदार रुपमा माग गर्छु, कानुनमा संशोधन गरेर मृत्युदण्डको व्यवस्था गरियोस् ।

सांसदहरुले मृत्युदण्डको कानुन माग गरेपनि सरकारले सो कानुन ल्याउन सक्दैन । त्यसका लागि संविधानमै संशोधन गरेर मृत्युदण्डसम्बन्धी व्यवस्था संशोधन गर्नुपर्ने हुन्छ । संविधान निर्माणकै बेला यसबारेमा ब्यापक बहस भएको थियो ।

भदौ २० गते शुक्रबार बिहान विद्यालय जादै गर्दा वीरगञ्ज छपकैयाकी १५ बर्षिया मुस्कान खातुनमाथि एसिड आक्रमण भएको थियो । उनको अहिले काठमाडौको कीर्तिपुर अस्पतालमा उपचार भइरहेको छ ।समाजवादी पार्टीका सांसद प्रदीप यादवले एसिड आक्रमणका दोषीलाई जन्मकैद वा फाँसीको सजाय दिनुपर्ने बताए । त्यसका लागि कानुन संशोधन गर्न पनि उनले आग्रह गरे ।

‘एसिड आक्रमण गर्ने व्यक्तिले अत्यन्तै घृणित अपराध गरेको छ । मुस्कानको जिन्दगी नै बरबाद गर्ने अपराध गरेको छ । यस्तो दोषी कुनै पनि बाहनामा उम्किनु हुँदैन । कानुन संशोधन गरेर भए पनि एसिड आक्रमण गर्नेलाई जन्मकैद वा फाँसीको सजाया दिनुपर्छ’ उनले भने ।एसिड आक्रमणमा परेकी किशोरीले यसको पीडा बाँचुन्जेल भोग्नुपर्ने भएकाले आक्रमणमा संलग्नलाई पनि बाचुन्जेल जेलमा राख्नुपर्ने सांसद यादवको भनाइ छ ।

उनले एसिड किनबेचमा पनि कडाइ गर्न माग गरेका छन् । ‘नागरिकता राखेर वा परिचय पत्र राखेर मात्र एसिड देओस्’ सांसद यादवले भने । ‘नेपाल सरकारले पैसाको व्यवस्था गरेर वा अस्पतालमा पत्र लेखेर मुस्कानको इलाजको जिम्मा लेओस्’ सांसद यादवले भने ।सांसद पुष्पाकुमारी कर्ण कायस्थले कहिलेसम्म बालिकाले असुरक्षित जीवन जीउन बाध्य हुने भन्दै कानुन संसोधन गरेर भए पनि एसिड आक्रमण गर्ने दोषीलाई मृत्युदण्डको व्यवस्था गर्न माग गरिन् ।

सांसद जुलीकुमारी महतोले एसिड आक्रमणका घटना नियन्त्रण गरी महिलाको सुरक्षाका लागि कडा कानुन बनाउन सरकारको ध्यानाकर्षण गराइन् ।सांसद महतोले महिलाको सुरक्षाका लागि थप संवेदनशील बन्दै दोषीलाई पक्राउ गरि कडा कारवाही गर्न पनि माग गर्नुभयो । ‘प्रदेश २ मा छोरीमाथि एसिड आक्रमणका घटना धेरै पटक भएकाले रोक्न कडा कदम चाल्नुपर्ने जरुरी छ । प्रदेश २ को सरकारले बेटी बढाउ बेटी जोगाउ अभियान जोडतोडले लागु गरेको छ । बेटी नै बाँचेनन् भने अभियानको औचित्य हुने छैन’ उनले भनिन् ।

सांसद नरमाया ढकालले एसिड आक्रमणको घटनाको भत्र्सना गर्दै दोषीलाई नियन्त्रणमा लिई तत्काल कानुनी कारवाही गर्न माग गरिन् । सांसद पार्वता डिसी चौधरी मुस्कान खातुनको उपचार खर्च व्यहोर्न र दोषीलाई कडा कारवाही गर्न सरकारलाई आग्रह गरिन् ।सांसद पार्वती कुमारी विशुंखे, प्रमिला राईलगायत सांसदहरुले एसिड आक्रमणको घटनाको भर्त्सना गर्दै घटनाका दोषीलाई कडा कारवाही गर्दै भविष्यमा यस्ता घटना दोहोरिन नदिन सरकारको गम्भीर ध्यानाकर्षण गराएका थिए ।

एक्कासी फेरी विप्लवका नेता भए यसरी पक्राउ …

गोरखा : नेत्र विक्रम चन्द ‘विप्लव’ नेतृत्वको नेकपाको जनवर्गीय संगठन...

अझै बेपत्ता भेटिएनन् , वर्षाका कारण अरुण नदीमा खसेको जीपको खोजी गर्न समस्या

संखुवासभा । लगातारको वर्षाका कारण अरुण नदीमा खसेको जीपको खोजी गर्न...

एक्कासी ह्वात्तै बढ्यो चादीको मूल्य , सुनको मुल्कय भने स्थिर !

आज सुनको मूल्यमा कुनै फेरबदल भएको छैन् भने चाँदीको मूल्य बढेको...

अविरल वर्षाका कारण देशका यी भागहरू डुबानमा , भयो यस्तो क्षति !!!

नेपालगञ्ज : आज बिहानै देखि परेको पानीका कारण नेपालगन्जका सेतु बिक...

एक युवकको हत्या गरेको आरोपमा महोत्तरी जिल्ला अदालतले दुई जनालाई जेल चलान

महोत्तरी : करीब डेढ महीनाअघि महोत्तरीको सदरमुकाम जलेश्वरमा एक युवकको हत्या...

मोडल युनिक समिर लामाको परिवारको अबस्था नाजुक भन्छन’गरिब को दशैँ यस्तै हो’

नेपालमा रहेका अधिकांश नेपालीहरुको पिडा उस्तै छ चाडबाड आउदा बिदेशिनु...

केरा खादा स्वास्थ्यमा हुने अचम्मका ११ फाइदाहरु,विश्वले थाह नपाएको फाइदाहरु हेर्नुहोस

केरा अर्थात सदाबहार फल । बजारमा केरा बाह्रैमास पाइन्छ । कसैलाई...

पशुपति शर्माले दशैं कोसेलीमा कान्छी सम्झनालाई ल्याएर घरमा आउदा आमा रिसाईन

नेपालीहरुको महान पर्व बिजय दशमी तथा सुभ दिपावलीको हार्दिक शुभकामना सहित...

अर्मादीको घुम्तीमा रहेको गिलमेरी खोलाले ट्याक्सी बगायो

नगरपालिका–४ अर्मादीको घुम्तीमा रहेको गिलमेरी खोलाले ट्याक्सी बगाएको छ । दुई...

दश दिनमै तीन हजारले घटेको सुनको मूल्य आज भने एक्कासी स्थिर !!!

काठमाडौं, ३१ भदौ । साताको तेस्रो दिन मंगलबार नेपाली बजारमा सुनचादीका...

© 2019 Laligurash All right reserved Site By : SobizTrend Technology