अफिसमा मेहनत चाहिँ असाध्यै गर्ने तर प्रमोसन हुने बेलामा चाहिँ चुक्ने अब यस्तो तरिका अपनाउनु होस्

  • -लालिगुराश सम्बाद दाता

  • Warning: Use of undefined constant datetime - assumed 'datetime' (this will throw an Error in a future version of PHP) in /srv/users/serverpilot/apps/laligursh/public/wp-content/themes/laligurash/single.php on line 40
    शनि, कार्तिक १८, २०७४

    काठमाडौं, १७ कात्तिक — अफिसमा मेहनत चाहिँ असाध्यै गर्ने तर प्रमोसन हुने बेलामा चाहिँ चुक्ने मानिस धेरै भेटिन्छन् । प्रमोसन पाउनका लागि मेहनतले मात्र पुग्दैन, तपाईंसँग स्किलहरू पनि हुनु जरूरी छ । ससाना कुरामा ध्यान दिएर तपाईं आफूभित्र स्किल विकसित गराउन सक्नुहुन्छ र प्रमोसन पाउनुहुन्छ ।

    अलराउन्डर बन्नुस्
    अफिसमा आफ्नो काम गर्ने अनि साथीहरूको कामलाई पनि सहायता गर्ने मानिसलाई सबैले मन पराउँछन् । कुनै अप्ठ्यारो स्थिति आयो भने पनि यस्ता मानिसले सजिलै समस्या समाधान गरिदिन्छन् । प्रमोसनका बेलामा उनीहरूलाई विचार गरिनु स्वभाविक हो ।
    राम्रो छवि
    तपाईं काममा त सिपालु हुनुहुन्छ तर तपाईंको व्यवहार राम्रो छैन भने प्रमोसनमा अवरोध आउँछ । सहकर्मी तथा आफूभन्दा वरिष्ठसँग तपाईंको जस्तो व्यवहार हुन्छ, त्यसैले तपाईंको प्रमोसन हुने नहुने कुरा निर्धारण गर्छ ।
    हाकिमसँग कुरा
    प्रमोसन पाउन मन छ भने हाकिमलाई पनि थाहा दिनुपर्छ । हाकिमसँग आफ्नो कामको दक्षता बारेमा कुरा गर्नुपर्छ । अनि हाकिमले औंल्याएका कमजोरीलाई दोहो–याउनु हुँदैन । गल्तीहरू दोहो–याउनुभएन भने हाकिमले आफ्नो कुराको महत्त्व तपाईंले दिएको अनुभव गर्छन् र प्रमोसनमा विचार गर्छन् ।
    सक्षम साबित गर्नुस्
    कम्पनीलाई फाइदा पुग्ने काम गर्ने कर्मचारीलाई प्रमोसनमा कुनै अवरोध हुँदैन । आफ्नो कला, क्षमता र कुशलताले तपाईं कम्पनीलाई अघि बढाउने कर्मचारी हो भनी साबित गर्नुस् । कम्पनीले ठूलो जिम्मेवारी दिएर तपाईंबाट फाइदा लिन्छ ।
    करीयर प्लान
    प्रमोसन दिनुअघि तपाईंको हाकिमले अबको पाँच वर्षमा तपाईं आफूलाई कहाँ देख्नुहुुन्छ भनी सोध्छन् । त्यसका लागि तपाईंले योजना पहिले नै बनाएर उनलाई सुनाउनुपर्छ । तपाईंको प्लानले कम्पनीलाई फाइदा पनि हुनुप–यो ।
    सकारात्मक दृष्टि
    तपाईंलाई आफ्नो काम मन परेको छैन भने हाकिमलाई नसुनाउनुस् । कुरा गरेपिच्छे तपाईंले कामको खोट निकालिरहनुभयो भने हाकिममा नकारात्मक प्रभाव पर्छ अनि तपाईंले प्रमोसनको कुरा उक्काउन समेत सक्नुहुन्न ।
    एजेन्सी

    यसमा तपाइको मत

    ट्वीटर

    बाट अन्य