स्थानान्तरण गरिएका एक जोडी अर्ना मरे

  • -लालिगुराश सम्बाद दाता

  • Warning: Use of undefined constant datetime - assumed 'datetime' (this will throw an Error in a future version of PHP) in /srv/users/serverpilot/apps/laligursh/public/wp-content/themes/laligurash/single.php on line 40
    बुध, असार ७, २०७४

    रत्ननगर (चितवन) । ललितपुरको जाउलाखेलस्थित चिडियाखानाबाट स्थानान्तरण गरेर चितवन राष्ट्रिय निकुञ्जमा ल्याइएका दुईवटा अर्ना मरेका छन् ।

    गएको माघ महिनामा चिडियाखाना र कोसी टप्पुबाट १५ वटा अर्ना स्थानान्तरण गरिएको थियो । चिडियाखानाबाट ल्याइएको एक जोडी अर्ना मरेको राष्ट्रिय निकुञ्ज तथा वन्यजन्तु संरक्षण विभागका महानिर्देशक मनबहादुर खड्काले जानकारी दिए ।

    “भाले अर्ना अर्को जङ्गली भालेसँग जुधेर मरेको हो, पोथी बिरामी भएर मरेको हो,” उनले भने । अब यहाँ १३ वटा अर्ना बाँकी छन् ।

    चितवन राष्ट्रिय निकुञ्जका सहायक संरक्षण अधिकृत नुरेन्द्र अर्यालले पोथी अर्ना गएको बिहीबार र भाले एकहप्ता अघि मरेको बताए । प्राकृतिक दुर्घटना, रोगको प्रकोपलगायत कारणले वन्यजन्तु मासिनसक्ने हुँदा वंश संरक्षण गरी सङ्ख्या वृद्धिका लागि यहाँ अर्ना स्थानान्तरण गरिएको थियो ।

    गएको माघ १४ गतेदेखि २७ गतेसम्म यहाँ १५ अर्ना ल्याइएको थियो । कोसीटप्पु वन्यजन्तु आरक्षबाट १२ र चिडियाखानाबाट तीन वटा अर्ना ल्याइएको थियो । कोसीटप्पुबाट दुई भाले र चिडियाखानाबाट एउटा भाले ल्याइएको थियो । चितवनको सौराहास्थित पुरानो पदमपुर क्षेत्रमा ३० हेक्टरको क्षेत्रफलमा खुलाखोर बनाएर अर्ना राखिएको छ ।

    यसमा तपाइको मत

    ट्वीटर

    बाट अन्य