मुलुक राष्ट्रिय विपत्तिमा परेको छ । जाजरकोट र रुकुम पश्चिम यतिबेला रोईरहेको छ । आफन्तको लास, खुल्ला आकाशको बास, खाली पेट, नाङगो शरिर र अनिश्चित भविष्य बोकेका स्थानीय अभिभाबकिय साथ खोजिरहेका छन् । सुरक्षाकर्मी र स्थानीय प्रशासनसँगै स्थानीय जनता खोजी तथा उद्धारकार्यमा रातदिन नभनी खटेका छन। यता मुलुककै अभिभावकको विदेश भ्रमणको तयारी चलिरहेको छ । राष्ट्रपति रामचन्द्र पौडेलले यही कात्तिक २२ गतेदेखि मंसिर १ गतेसम्म युरोपका तीन देशको भ्रमण गर्ने कार्यसूची छ । त्यसमा फ्रान्समा ‘पेरिस पिस फोरम’ मा भाग लिने र त्यसपछि जर्मनी र इटलीको भ्रमण गर्ने कार्यतालिका रहेको छ । मुलुकले यतिविघ्न विपत्तिको सामना गरिरहेको बेला राष्ट्रपति युरोप भ्रमण निस्कनु साच्चै राम्रो हो ? कयौँ प्रश्न उठेका छन् । यसबाट यसबाट यो प्रष्ट हुन्छकी राष्ट्रपति संस्थाले जनतालाई बेवास्ता गरेको छ । यसै पनि घर शोकाकूल रहेको बेला घरमूली नै विदेश भ्रमणमा निस्कनुले कस्तो सन्देश जान्छ ? कमसेकम यो समयमा भ्रमण रद्ध गरेर जनताको द्धाउमा मलम लाउनु पर्ने् समय होईन ? यि र यस्तै प्रश्न उठेका छन् ।

भूकम्पबाट प्रभावित क्षेत्रमा राहत, उद्धार र पुनर्निर्माणमा सहयोग पु¥याउन दलहरू राजनीति गतिविधि स्थगन गरेर जाजरकोट र रुकुममा केन्द्रित भएका छन् । आ–आफ्ना दल तथा तीनका भातृसंगठन, शुभेच्छुक संघसंस्थाले प्रभावित क्षेत्रमा बाँडिएका राहत तथा उद्धारका कार्यहरूको तस्बिर तथा भिडियोले सामाजिक सञ्जाल भरिएको छ । यति बेला धेरै जसो राजनितीक दल टि आरपी बढाउन गएको भन्दै आलोचना गर्नेको पनि कमी छैन् । टीआपी नै सहि कमसेकम जनताको साथमा जनप्रतिनीभी छन् भन्ने त हुन्छ । जाजरकोटको बारेकोट गाउँपालिका–१ रामीडाँडा केन्द्रविन्दु भएर गएको भूकम्पमा परेर हालसम्म १५७ जनाको ज्यान गएको छ ।

https://www.facebook.com/laligurashmedianetwork/videos/286144194386816

अहिले सिङ्गो देश जाजरकोट र पश्चिम रुकुमको पीडामा एकाकार हुन खोजिरहेको छ । हिजोको अनुभवबाट सिकेर पनि होला, सरकारी निकाय पनि धेरथोर प्रभावकारी देखिएका छन्, जनस्तरमा पनि जसले जे सक्यो त्यो सहयोग गर्ने क्रम चलेको छ । सर्वसाधारणले आफूसँग जे–जति छ त्यति सहयोग गरेर यो विपद् सामना गर्न खोजिरहेका छन् । व्यक्ति र संस्थाहरु सहयोगको घोषणा गरिरहेका छन्, बसदेखि जहाजसम्मले राहत र घाइते बोक्न अपिल गरिरहेका छन् । यो शोकाकूल अवस्थामा मुलुकले राष्ट्रपतिबाट राख्ने अपेक्षा भनेको मृतकहरु प्रति समवेदना दिएर राहत तथा उद्धारमा लाग्नु पर्ने समय पनि हो । यो समयलाई यतिविघ्न सदुपयोग गर्नुपर्ने अवस्थामा राष्ट्रपतिले ९ दिन देश बाहिर बिताउने गरी भ्रमण कार्यक्रम तय गर्नु कुनै दृष्टिले पनि उपयुक्त होइन । भूकम्प पीडित खुला छानामुनि भोकै सुतिरहेको बेला राष्ट्रपति नेतृत्वको भ्रमण टोलीले युरोप जान देशको ढुकुटी माथि गर्ने खर्चको मनोवैज्ञानिक सन्देश यो प्रणालीमाथि पर्नेछ । त्यसैले हामी राष्ट्रिपति ज्युलाई आग्रह गछौँ भ्रमण रद्ध गरेर जनताको घाउमा मलम लगाई दिनुहोस् । तपाँई मलम लगाउन सक्नुहुन्न भने बरु निर्देशन दिनुहोस् । अभिभाकत्व निभाउनुहोस् ।