Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ, नेपाली बजारमा बिहीबार सुन र चाँदी दुबैको मूल्यमा गिरावट आएको छ। नेपाल सुनचाँदी व्यवसायी महासंघले सार्वजनिक गरेको विवरण अनुसार, बुधबारको तुलनामा आज दुवै बहुमूल्य धातुको मूल्यमा उल्लेख्य घटबढ देखिएको छ।
महासंघका अनुसार बुधबार प्रतितोला २ लाख १६ हजार १ सय रुपैयाँ कायम रहेको छापावाला सुनको मूल्य बिहीबार घटेर २ लाख १५ हजार २ सय रुपैयाँ मा झरेको हो। यस अनुसार, एकै दिनमा छापावाला सुनको मूल्य ९ सय रुपैयाँले घटेको छ।
यसैगरी, तेजाबी सुनको मूल्य पनि घटेको महासंघले जनाएको छ। बुधबार प्रतितोला २ लाख १५ हजार ४ सय रुपैयाँमा कारोबार भएको तेजाबी सुन बिहीबार घटेर २ लाख १४ हजार ५ सय रुपैयाँमा पुगेको छ।
सुनसँगै चाँदीको मूल्यमा पनि गिरावट आएको छ । महासंघका अनुसार, बुधबार प्रतितोला २ हजार ५५० रुपैयाँ रहेको चाँदी बिहीबार ३० रुपैयाँ घटेर २ हजार ५२० रुपैयाँ मा कारोबार भइरहेको छ।
.gif)
मूल्य घट्नुको प्रमुख कारण अन्तर्राष्ट्रिय बजारमा देखिएको मूल्य समायोजन तथा डलरको विनिमय दरमा आएको उतार–चढाव हुनसक्ने विश्लेषकहरू बताउँछन् । यद्यपि, आगामी दिनमा मूल्यमा पुनः वृद्धि हुने सम्भावना पनि प्रवल रहेको उनीहरूको भनाइ छ।
© 2026 All right reserved to laligurash.com
By 
