काठमाडौँ । स्थानीय बजारमा आज बहुमूल्य धातुको मूल्य ओरालो लागेको छ। कारोबार सुरु भएसँगै सुन र चाँदी दुवैको भाउ घटेको देखिएको हो। नेपाल सुनचाँदी व्यवसायी महासंघका अनुसार आज सुन प्रतितोला ३ हजार रुपैयाँले घटेको छ भने चाँदी ३४० रुपैयाँले सस्तिएको छ।
आज छापावाल सुन प्रतितोला ३ लाख ३ हजार ५०० रुपैयाँमा कारोबार भइरहेको छ। अघिल्लो दिन अर्थात् बिहीबार यही सुन ३ लाख ६ हजार ५०० रुपैयाँमा किनबेच भएको थियो। यसले एकैदिनमा सुनको मूल्यमा उल्लेख्य गिरावट आएको देखाउँछ।
त्यसैगरी, चाँदीको मूल्य पनि घटेर आज प्रतितोला ५ हजार रुपैयाँ कायम भएको छ। बिहीबार चाँदी ५ हजार ३४० रुपैयाँमा कारोबार भएको थियो। यसअनुसार चाँदीको मूल्य ३४० रुपैयाँले घटेको पुष्टि भएको छ।
.gif)
