Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ । आयोजित पत्रकार सम्मेलनमा मेडिकल व्यवसायी दुर्गा प्रसाईँले आफूविरुद्ध लागाइएको ‘माफिया’ आरोपको कडा विरोध गरेका छन्। बैंक र सर्वसाधारणबाट ऋण लिएर जनताको सेवा गर्दै आएको दाबी गर्दै उनले यस्तो आरोप अन्यायपूर्ण भएको बताए।
उनका अनुसार, ऋणमार्फत जनतालाई सेवा दिने पूर्वाधार निर्माण गर्दा पनि आफूहरूलाई गलत रूपमा चित्रण गरिएको छ। यसलाई उनले राज्यको विभेदपूर्ण व्यवहारको उदाहरणका रूपमा प्रस्तुत गरे।
प्रसाईँले सरकारको निःशुल्क स्वास्थ्य र शिक्षासम्बन्धी नीतिमाथि पनि प्रश्न उठाए। उनले यी सेवाहरू पूर्ण रूपमा निःशुल्क बनाउनेभन्दा नागरिकले किन्न सक्ने स्तरमा पुर्याउनु आवश्यक रहेको धारणा व्यक्त गरे।
.gif)
त्यसैगरी, उनले देशको ‘डिप स्टेट’मा सीमित व्यक्तिहरूको प्रभाव रहेको दाबी गर्दै त्यसले अर्थतन्त्रमा नकारात्मक असर पारिरहेको बताए। उक्त समूहलाई नियन्त्रण नगरेसम्म सुधार सम्भव नहुने उल्लेख गर्दै उनले गृहमन्त्रीसँग संलग्न व्यक्तिहरूलाई कारबाही गर्न आग्रह समेत गरे।
© 2026 All right reserved to laligurash.com
By 
