Jul 27 2026 | २०८३, श्रावण ११ गते
Jul 27 2026 | २०८३, श्रावण ११ गते
काठमाडौँ । डाबरको हनी (मह) बजारबाट फिर्ता गर्न सरकारले निर्देशन दिएको छ । डाबर ब्राण्डको मह परीक्षणमा गुणस्तरहीन भेटिएपछि तत्काल बजारबाट फिर्ता गर्न खाद्य प्रविधि तथा गुण नियन्त्रण विभागले निर्देशन दिएको हो ।
बजार अनुगमन तथा नमुना परीक्षणका क्रममा डाबर ब्राण्डको ५ सय ग्राम प्याकेटको मह गुणस्तर मापदण्डअनुसार नभएको पाइएको थियो ,
यो मह उत्पादक कम्पनी डाबर नेपाल प्रालि जितपुर सिमरा बारा रहेको विभागले जनाएको छ ।
विभागबाट जारी सूचनाअनुसार उक्त उत्पादनको उत्पादन मिति २०२५÷१२ उल्लेख गरिएको छ । त्यस्तै उपभोग अवधि १८ महिना रहेको भए पनि उत्पादनको ६ महिनामै खान अयोग्य ठहर भइसकेको छ ।
विभागले खाद्य स्वच्छता तथा गुणस्तर ऐन, २०८१ को व्यवस्थाअनुसार सम्बन्धित ब्याचका सबै उत्पादन बिक्री वितरण नगर्न तथा नगराउनसमेत निर्देशन दिएको छ ।
.gif)
© 2026 All right reserved to laligurash.com
By 
