Jul 27 2026 | २०८३, श्रावण ११ गते
Jul 27 2026 | २०८३, श्रावण ११ गते
काठमाडौँ । भूटानमा जारी साफ १७ वर्षमुनिको महिला च्याम्पियनसिपको अन्तिम चरणमा आज नेपालले घरेलु टोली भूटानसँग प्रतिस्पर्धा गर्दैछ। नेपाली समयअनुसार खेल बेलुकी ६:१५ बजे सुरु हुनेछ।
यद्यपि नेपाल र भूटान दुवै टोली प्रतियोगिताबाट बाहिरिसकेका छन्, आजको खेल केवल औपचारिकताको लागि हुनेछ। पाँच खेलपछि नेपालले ३ अङ्क जोडेको छ भने भूटानको खातामा १ अङ्कमात्र छ।
यसै प्रतियोगितामा भारतले एक खेल अगावै उपाधि जित्दै अपराजित यात्रा कायम राखेको छ। पाँच खेलमा पाँच जितसहित १५ अङ्क जोडेको भारत शीर्ष स्थानमा रहँदै च्याम्पियन बनेको हो। बङ्गलादेश १० अङ्कसहित दोस्रो स्थानमा छ।
.gif)
आजकै दिन भारत र बङ्गलादेशबीच अर्को खेल पनि हुनेछ, जसले प्रतियोगिताको समापन गर्नेछ। भारत यसअघि सन् २०१८ र २०१९ मा पनि साफ यू-१७ महिला च्याम्पियनसिपको उपाधि जितेको थियो।
नेपालले प्रतियोगितामा अपेक्षित प्रदर्शन गर्न नसके पनि युवा खेलाडीहरूको अनुभव सँगाल्न महत्वपूर्ण मानिएको छ। प्रशिक्षकहरूले आगामी प्रतियोगिताका लागि टोलीको पुनरावलोकन गर्ने जनाएका छन्।
© 2026 All right reserved to laligurash.com
By 
