Jul 26 2026 | २०८३, श्रावण १० गते
Jul 26 2026 | २०८३, श्रावण १० गते
काठमाडौं, दशैं बिदाअघि आइतबारको अन्तिम कारोबार सेयर बजार ११.५१ अंकले उकालो लाग्दै २६६३.५१ बिन्दुमा रोकिएको छ। बजार ०.४३ प्रतिशतले बढे पनि कारोबार रकम भने ३ अर्बभन्दा कम अर्थात् २ अर्ब ९३ करोड रुपैयाँमै सिमित रह्यो। ३१४ कम्पनीका ७५ लाख ११ हजार कित्ता सेयरहरू ३९ हजार ८५९ कारोबारमार्फत किनबेच भएका छन्।
अन्तरिम सरकारले पूँजीबजार सुधारका लागि गठन गरेको कार्यदलको सुझावपछि बजारमा सकारात्मक संकेत देखिएको हो। कार्यदलले एकल ग्राहक सीमा हटाउने, तथा बैंक तथा वित्तीय संस्थालाई सेयर खरिदपछि अनिवार्य रूपमा एक वर्ष 'होल्ड' गर्नुपर्ने व्यवस्था हटाउन सुझाव दिएको छ। यी सुधार प्रस्तावहरूले लगानीकर्तामा भरोसा जगाएका छन्।
दशैंका कारण अब धितोपत्र बजार केही दिनका लागि बन्द हुने भएकाले आइतबारको कारोबारको राफसाफ पनि बिदापछि मात्र हुनेछ, जसले कारोबार रकम घटाएको हो।
.gif)
आइतबार सबैभन्दा धेरै ०.९६ प्रतिशतले म्युचुअल फन्ड समूह उकालो लाग्यो। बैंकिङ ०.८४, जीवन बीमा ०.८०, जलविद्युत् ०.७०, उत्पादनमूलक ०.५१ लगायतका सूचकहरू बढेका छन्। तर व्यापार समूह १.२८ प्रतिशतले घट्दै सबैभन्दा कमजोर रह्यो।
ग्लोबल आइएमई समुन्नत योजनाको प्रतिइकाइ मूल्य १० प्रतिशतले बढेको छ, जसले लगानीकर्ताको ध्यान तानेको छ।
© 2026 All right reserved to laligurash.com
By 
