Jul 28 2026 | २०८३, श्रावण १२ गते
Jul 28 2026 | २०८३, श्रावण १२ गते
काठमाडौँ । आइजीपी दान बहादुर कार्की गुल्मी पुगेर फाटेको झोला सिलाई दिएका भोटे दमाई सँग भेट गरेका छन् । सुरुमा काठमाडौँ छिर्ने क्रममा फाटेको झोला सिलाई दिएर आशीर्वाद दिदैँ पठाएका छिमेकी भोटे दमाई दाईको घरमा पुगेर उनले खुसी साटेका हुन् । नेपाल प्रहरीको आइजीपी बनेको खुसीमा उनी भोटे दमाई दाईको घरमा पुगेर मिठाई खुवाएर खुसी साटेको बताएका छन् ।
कार्कीले भोटे दाईको घरमा पुगेर खुसी साट्दै गर्दा हातको टिका लगाएका थिए,टिका लगाउँदै गर्दा उनी भावुक बनेका थिए । दाईको हातको टिका लगाउँदा दशैमा लगाए जस्तो लाग्यो भन्दै कार्कीले आँशु झारेका थिए । पछि रुमालले आँशु पुछ्दै सम्हालिएका थिए । कार्कीका बुवा र भोटे दाई दौतरी थिए । भोटे दमाईले सिलाएको झोला बोकेर काठमाडौं छिरेकाले यहाँसम्मको यात्रामा कहीँँ कतै उनको योगदान रहेको कार्कीले बताउँदै आएका छन् ।
कार्की कुल पुजाको अवसरमा बिहिवार गुल्मीको घमिर पुगेका थिए । उनले घमिर पुगेर आफुले पढेको विद्यालयमा शैक्षिक सामाग्री वितरण गरेका थिए । कार्कीलाई अर्जै माध्यामिक विद्यालयले पनि सम्मान गरेको थियो । उनी अर्जै माध्यामिक विद्यालयका पुर्व विद्यार्थी हुन् । उनलाई मालिका गाउँपालिका वडा नं ६को वडा कार्यालयले सम्मान तथा स्वागत गरेको थियो ।
.gif)
© 2026 All right reserved to laligurash.com
By 
